Sámedikki jienastuslohku
Hálidat go DON jienastit sámedikkeválggain?
Dalle fertet leat čálihuvvon Sámedikki jienastuslohkui ovdal geassemánu 30. beaivvi.
Go leat jienastuslogus lea DUS vejolašvuohta vaikkuhit politihka sámis.
Bargiidbellodagas sávvat ahte min jienasteadjit čálihit jienastuslohkui ja sihkarastet eanetlogu midjiide dáid válggain.
Deaddil liŋka vuolábealde , dahje loga eanet dieđuid rukses bovssas.
Oadjebasvuohta boahttevaš Sápmái
Sámedikki jienastuslohku?
Sámedikki jienastuslohku lea registtar olbmuin geain lea vejolašvuohta jienastit dahje searvat evttohassan sámediggeválggaide.
Jienastuslohkui beassa juohkehaš guhte julggašta ahte atná iežas sápmelažžan, ja geas juogo
a) lea sámegiella ruovttugiellan, dahje
b) leat dahje leat leamaš vánhemat, áhkut/ ádját dahje máttarvánhemat geain lea/lei sámegiella ruovttugiellan, dahje
c) lea olbmo mánná gii lea/ lea leamaš jienastuslogus, sáhttet gáibidit fievrriduvvot jienastuslohkui.
Buot sámiin Norggas, geat leat badjel 18 jagi dahje devdet 18 jagi válgajagi, lea vuoigatvuohta registrerehit jienastuslohkui. Eará davviriikkaid stáhtaborgárat geat leat sápmelaččat sáhttet registrerehit jienastuslohkui, jos sii válgajagi geassemánu 30. b. muttus leat dieđihan álbmotregistarii ahte ásset Norggas.