Petroleumealáhusa elektrifiseren
Bargiidbellodat ovddidii ođđa ášši petroleumealáhusa elektrifiserema birra dán vahkku dievasčoahkimis.
Petroleumealáhusa elektrifiseren lasiha elfápmohattiid riikkaoasis gos olbmot fertejit lieggasa boaldit stuora oasi jagis. Seammás hedjona váráiduhttinsihkkarvuohta Nuorta-Finnmárkkus, juoga maid Sámediggi ii hálit. Sámediggi ballá ahte dáinna lágiin hehtte ealáhusáŋgiruššama Finnmárkkus.Sámediggi ballá seammás ahte stuora elfámu vuollebáza fylkkain vuorjá báikki olbmuid bieggafápmoindustriijain. Sámediggi ii leat ovttaoaivilis eavttuin ahte ferte lasihit bieggafápmobuvttadeami gáttis gokčan dihte Muolkkut ja plánejuvvon Wisting- guovllu elfápmodárbbu. Muolkkutrusttega elektrifiseren dagaha elfápmodárbbu mii dahká meastta seamma olu go olles Finnmárkku elfápmogeavahus oktiibuot.Sámediggi berošta das ahte sámi guovlluin leat bargosajit. Petroleumealáhusa elektrifiseren ja bieggafápmoindustriija stuorideapmi ii dáidde eanet bargosajiid hukset, muhto baicce hehttet ođđa bargosajiid ásaheami, ja heaittihit dálá bargosajiid.CO2 luoitin báikkálaččat buvttadeami oktavuođas, seammás go golahusluoitimat lihkká leat alladat muđui máilmmis, dahká ahte biras ii oro dás maidege vuoitime.Sámediggi ávžžuhaSámediggeráđi ovddidit ođđa ášši dievasčoahkkimii mearridan dihte man ládje petroleumealáhusa elektrifiseren lea sávahahtti, vaikke čuohcá báikegoddeálbmogii, ealáhuseallimii ja vejolaš boahttevaš áŋgiruššamii sámi guovlluin.