Gáibida nannoset suddjema guolleresurssain báikkiolbmuide
Gáibida nannoset suddjema guolleresurssain báikkiolbmuide
- Mi áigut rahčat barguin sihkkarástiin dihte min guolástanvuoigatvuođaid, sihke politihkálaččat ja juridihkálaččat, joaŧka Wilhelmsen.
Norgga nationála olmmošvuoigatvuođaásahus (NIM) mii lea sorjjaskeahtes orgána, man Stuoradiggi lea nammadan lága bokte miessemánu 25.b.2015:s, lea iežas fágaraporttas - Mearrasámiid vuoigatvuohta mearrabivdui - 2016:s, nannen ahte, «Mii oaivvildit ahte lea dárbu nannoset suddjet guolástanvuoigatvuođaid, ja ahte mearrasámiid vuoigatvuohta guolásteapmái mii addá ekonomalaš áigáiboađu berre láhkanannejuvvot vai sihkkarastá ahte mearrasámiid vuoigatvuođat eai rihkkojuvvo », (s. 27). Stuoradiggi lea ieš namman sorjjaskeahtes ásahus fuolahit ahte Norga deavdá iežas geatnegasvuođaid olmmošvuoigatvuođaid ektui.
- Mearrasámiid vuoigatvuohta guolásteapmái mearrasámi guovlluin ferte nannejuvvot láhkaortnegis ja čuovvoluvvot doarvái guollevárrejumiin, nu ahte sii geat háliidit dan, galget sáhttit álgit guolásteaddjin ja eallit dainna, dadjaba Wilhelmsen ja Sottinen.
Go NIM lea konkluderen ahte lea dárbu nannoset suddjemii mearrasámi guolástanvuoigatvuođain, de Stuoradiggi ferte čuovvolit daid rávvemiid.
-Boahtá leat sihke čalbmáičuohcci ja duođalaš jus Ráđđehus ja Stuoradiggi hilgot Norgga njunuš olmmošvuoigatvuođa áššedovdiid rávvagiid,- oaivvilda Sottinen ja joatká, - lea ovdal, vuđolaš lági mielde, čielggaduvvon ahte olbmuin dáin guovlluin lea guolástanvuoigatvuohta iežaset lagasguovlluin - vuoigatvuohta mii sisdoalu mielde vástida guolleeari mainna báikedoallu sáhttá eallit.
- Dát boahtá sihkkarastit ahte boahtteáiggi buolvvat nai sáhttet birget lagas mearraresurssaiguin ja váikkuhit dasa ahte ássan, min giella ja min kultuvra bisuhuvvo maiddái smávvaservodagain vuonain ja rittuin. Min mearrasámi boahtteáigái lea dat mearrideaddjin, - loahpaha Wilhelmsen.
Jus eanet dieđuid áiggut, váldde oktavuođa Ronny Wilhelmseniin telefovdna 900 20 789 dahje Tom Sottinenain 412 72 386