Greiner Sámi-BB:i

Bargiidbellodaga sámediggejoavku lea virgádan Robert Greinera (46) joavkočállin.

- Mii leat hui duhtavaččat go leat Roberta ožžon fárrui. Sus lea stuora fierpmádat, áddejupmi sámi gažaldagaide ja gelbbolašvuohta mii boahtá nannet min, dadjá parlamentáralaš jođiheaddji Ronny Wilhelmsen.

Robert Greiner lea Beavgohpis Porsáŋggus eret ja lei ollu jagiid journalista NRK:s. Son lei ráđđeaddi Cecilie Myrsethii (BB) Romssa fylkkaráđđejođiheaddjái, dassážii son válljejuvvui Stuoradiggái čakčat. Dan rájes son lea leamašan Romssa sátnejođiheaddji, Kristin Røymo, politihkalaš ráđđeaddi.

Greiner bargá mearreáigásašvirggis 2019 suohkan- ja fylkkadiggeválgga rádjái. Dassážii galgá son bargat oasseáiggis Bargiidbellodaga Sámediggejoavkku ovddas lassin dan bargui mii sus lea odne.

- Mun lean giitevaš luohttámuša ja heivehanmuni ovddas maid BB sámediggejoavku čájeha munnje. Mun illudan bargagoahtit, dadjá Greiner.

Sutnje ii leat amas bargat sámi gažaldagaiguin Bargiidbellodagas ja son lei Gáisi válgabiire jođiheaddji 2017 sámediggeválgga oktavuođas. Son lea maiddái miellahttu Sámi prográmmaráđis.

- Mii illudit ovttasbargat Robert Greineriin, dadjá parlamentáralaš jođiheaddji Ronny Wilhelmsen.

Ronny Wilhelmsen